பீன்ஸ் பொரியல் Beans Poriyal

தேவையான பொருட்கள்:

பீன்ஸ் - 1/4 கிலோ.

வெங்காயம் - 2

பச்சை மிளகாய் - காரத்திற்கேற்ப, (நான் 5 ப.மிளகாய் போட்டேன்.)

பூண்டு -- 3 பல் ( ஜீரணத்திற்கு நல்லது) (போடலைன்னாலும் பரவாயில்லை)

உப்பு -- தேவையான அளவு

தாளிக்க: 

எண்ணெய் - 2 தேக்கரண்டி (  தேக்கரண்டி -ன்னா Teaspoon)

கடலை பருப்பு - அரை தேக்கரண்டி

உளுத்தம் பருப்பு - அரை தேக்கரண்டி

 கடுகு - தேவையான அளவு

கறிவேப்பிலை

 முதலில் பீன்சை நன்றாக நீரில் கழுவ வேண்டும். முடிந்தால் வெந்நீர் விட்டுக் கழுவலாம்..

 நான் எவ்வளவு அழகாய் குட்டி குட்டியாய் வெட்டியிருக்கேன்.. அதே போல பீன்சை நறுக்கவும்

 1 அல்லது 1 வெங்காயம், காரத்திற்கு தகுந்தாற் போல் பச்சை மிளகாயை நீள வாக்கில் வெட்டிக் கொள்ளவும். வேண்டும் என்றால் 4 பல் பூண்டும் சேர்க்கலாம், ஜீரணத்திற்கு நல்லது.

==> கடாயில் எண்ணெய் ஊற்றி, கடுகு, உழுத்தம் பருப்பு, கடலை பருப்பு, பச்சை மிளகாய், கறிவேப்பிலை, பூண்டு போட்டு தாளிக்கவும்.
==> சிறிது நேரம் வதக்கியவுடன், வெங்காயம் சேர்த்து, வதக்கவும்.
==> வெங்காயம் பொன்னிறமான பின், நறுக்கிய பீன்ஸை போட்டு வதக்கவும்

 பிறகு தேவையான அளவு உப்பு சேர்த்து, கொஞ்சம் தண்ணிர் ஊற்றி நன்றாக வதக்கவும். மிதமான தீயில் வைக்க வேண்டும். தண்ணீர் வற்றும் வரை அப்பப்போ வதக்கி விடவும். 5 - 10 நிமிடங்களில் பீன்ஸ் பொரியல் தயார்.

ஆரோக்கிய பலன்: பீன்ஸ் சாப்பிட்டால், நுரையீரலுக்கும் நல்லது. புகைப்பிடிக்கும் பழக்கம் உள்ளவர்களின் நுரையீரல் தான் அதிகம் பாதிக்கப்படும், அவர்கள் தினம் பீன்ஸை உணவில் சேர்த்துக்கொண்டால் நல்லது.

--நிலாப்பெண்

© Copyrighted